Venesuelada xalq prezidentə `istefa` dedi
03:14 09 İyun 2016
Venesuelada prezident Nikolas Maduronun istefa verməsi üçün referendum keçirilməsi məqsədilə toplanan imzaların sayılmasını tələb edən minlərlə insan paytaxt Karakasda nümayişlər təşkil edib.
Femida.az-ın xarici mətbuata istinadən verdiyi xəbərə görə, hüquq-mühafizə orqanı nümayəndələri Milli Seçim Şurasının (MSŞ) binasını mühasirəyə alan nümayişçilərə bibər qazı və plastik mərmilərlə müdaxilə edib.
Demokratik Birlik Masası Koalisiyasının verdiyi açıqlamada MSŞ-nin referendum tələb edən insanları artıq beşinci dəfədir ki, qəbul etmədiyi, buna baxmayaraq, etirazçıların sonuna qədər mübarizə aparacağı bildirilib.
Qeyd olunub ki, ölkənin başlıca problemi olan böhranın aradan qaldırılması üçün tək sülh yolu referendumdur.
Müxalifət lideri Enrike Kapriles MSŞ-nin nümayəndələri ilə görüşdükdən sonra imzaların hesablanıb nəticənin 15-21 iyun tarixlərində elan olunacağı xəbərini verib.
Femida.az
Oxunub: 1205
Oxşar xəbərlər
- Venesuelada hərbi bazanı zəbt etmək istədilər
- Venesuelada Konstitusiya assambleyası işə başlayıb
- Venesuelada seçki məntəqəsində iki nəfər öldürülüb
- Venesuelada etirazlar - Ölənlərin sayı 12-yə çatıb
- Venesuelada dərman çatışmazlığı: Xəstələr qırılır
- Venesuelada xalq küçəyə çıxdı - Prezidentin istefası tələb edilir
- Venesuelada neft platforması partladı
